Azərbaycan daşınmalardan əldə olunan gəlirlərin qaytarılmasını da nəzərə alaraq, Qars-Axalkalaki-Tiflis-Bakı marşrutu üzrə dəmiryolu nəqliyyatının açılması layihəsi çərçivəsində zəruri işlərin keçirilməsi üçün Gürcüstana uzunmüddətli kredit vermək niyyətindədir. Bu barədə Trend ə respublikanın dövlət dəmir yolundan xəbər veriblər. Güman olunur ki, əməliyat xərclərindən başqa daşınmalardan əldə olunan vəsait kredit ödəmələrinə sərf olunacaq. Bu vəsaitlər Axalkalakidən Türkiyə sərhəddinədək olan ərazinin tikintisinə və Tiflisdən Axalkalakiyədək olan ərazinin reablitasiyasına sərf olunacaq. Qars-Axalkalaki-Tiflis-Bakı dəmiryolu nəqliyyat dəhlizinin yaranması layihəsinə 98 km uzunluğunda Qars-Axalkalaki qolu da aiddir ki, bu qolun 68 km-i Türkiyə ərazisində, 30 km - Gürcüstan ərazisindədir. Həmçinin müəyyən olunmuş yenidənqurma işləri Axalkalaki-Tiflis ərazisində də zəruridir. Layihənin orta dəyəri 400 mln dollar qiymətləndirilir.
...