Azərbaycan Vergilər Nazirliyinin məlumatına görə, 2006-cı ilin noyabr ayı ərzində dövlət büdcəsinə 9 daxilolmadan yalnız 5 vergi növü üzrə proqnoz artıqlaması ilə yerinə yetirilib. Bu barədə Trend ə nazirlikdən məlumat verilib. Bununla yanaşı, Vergilər Nazirliyinin xətti üzrə həmçinin dövlət rüsumları və digər daxilolmalar da toplanır ki, onların proqnoz göstəriciləri yerinə yetirilməyib.
Vergi daxilolmalarında ən yüksək xüsusi çəki bu il ilk dəfə olaraq, mənfəət vergisində gözlənilir, bu isə Bakı-Tbilisi-Ceyhan ƏİBK-in istismara verilməsi ilə bağlıdır. Hesabat dövründə mənfəət vergisi üzrə çıxarlar 17,037 mln. manat təşkil edib və proqnoz 23,8% səviyyəsində icra edilib. Bu vergi üzrə daxilolmaların xüsusi çəkisi 13,4% təşkil edib.
Real olaraq noyabr ayında dövlət büdcəsinə ödəniş həcminə görə birinci yerdə 27,1% xüsusi çəki ilə gəlir vergisi üzrə çıxarlar (34,359 mln. manat) durur, proqnoz isə 107,4% yerinə yetirilib. Xüsusi çəkiyə görə ikinci yerdə aksizlər üzrə daxilolmalar durur (23,6%) və 30,035 mln. manat təşkil edib. Proqnoz 85,2% yerinə yetirilib. ƏDV üzrə (19,4% xüsusi çəki ilə) 24,662 mln. manat ödənilib, bu isə proqnozlaşdırılan həcmdən 34,7% azdır.
Yeraltı sərvətlər üzrə proqnoz (4,11%) 65,2% yerinə yetirilib və 5,216 mln. manat ödənilib. Əmlak vergisinə görə (3,4%) 4,382 mln. manat ödənilib, bu isə proqnozdan 2,2% azdır. Vergi qoymanın sadələşdirilmiş sistemi üzr daxilolmalar (2,11%) 123,3% yerinə yetirilib və 2,684 mln. manat təşkil edib. Torpaq vergisinə görə (1,29%) daxilolmaların artımı 11,4% səviyyəsində qeydə alınıb və 1,639 mln. manata çatıb, yol vergisi üzrə isə (0,69%) - 0,876 mln. manat ödənilib, bu isə proqnozdan 3,3% çoxdur.
Dövlət rüsumlarının xətti üzrə proqnoz göstəriciləri 83,7% (2,476 mln. manat) yerinə yetirilib, ümumi daxilolmalarda xüsusi çəkisi isə 1,9% olub. Digər daxilolmaların xətti üzrə (2,9%) 3,641 mln. manat daxil olub və proqnoz 22,6% yerinə yetirilib.
Bütövlükdə Vergilər Nazirliyinin xətti üzrə noyabr ayının proqnozu 65,6% yerinə yetirilib və deməli, 193,519 mln. manat proqnozla müqayisədə 127,007 mln. manat daxil olub.
