Azərbaycan Nazirlər Kabinetinin qərarı ilə respublikaya idxal olunan çaxır-araq məhsullarına aksiz faizlərində dəyişikliklər aparılacaq.
Trend ə hökümətdən verilən xəbərə görə, idxal olunan mallara aksiz faizinin artırılması respublikada üzümçülüyün inkişafını, çaxır zavodlarından səmərəli istifadəni, daxili bazarın müdafiəsini stimullaşdırır və bu sektordan büdcə gəlirlərini tənzimləyir.
Azərbaycan kənd Təsərrüfatı Nazirliyinin aksiz faizlərini ikiqat artırmaq təklifinə baxmayaraq faizlər 1,5-2 dəfə artırılıb. Kənd Təsərrüfatı Nazirliyinin təklifi alkoqollu isçkilərin idxal və istehsalında neqativ faktlara əsaslanır, qanunsuz və keyfiyyətsiz alkoqol içkilərinin istehsalına münasibətdə isə bu il mübarizəni gücləndirmək planlaşdırılır.
Bu məhsulların idxaldansa, istehsal həcminin artırılması daha məqsədəuyğun sayılır, ona görə də idxala aksiz faizlərinin artırılması siyasəti Milli istehsalın dəstəklənməsinə yardım edir, hökümətdə belə hesab edirlər.
Nazirlər Kabinetinin qərarına görə, "220300" vəziyyətli (pivə) mallar üçün aksiz faizləri 1 litrə 0,7 dollardan $1,0-dək, "2204" (çaxır) üçün $1,5 dən $2,5dək (2204301000- alkoqol spirtinin əlavəsi və ya piqmentlərin dondurulması vasitiəsilə hazırlanan üzüm mayesi istisna olmaqla" artırılıb. Onlar üçün əvvəlki 1 litrə 0,05$ faizi saxlanılıb). "2205" və "220600" vəziyyətli mallar üçün (vermut və başqa üzüm çaxırları) aksiz $1,5- dən $2,5-dək, "220820" (distillə yolu ilə alınmış güclü alkoqol içkiləri), "220830" (viski), "220840" (rom), "220850" (cin), "220860" (araq), "220870" (liker) və "2208901100-2208907800" (meyvələrdən hazırlanmış araq) üçün - $3,0 -dan $6,0-dək artırılıb. Yeni faizlər 2007-ci ilin 1 aprelindən qüvvədə olacaq.