Azərbaycan, Bakı/ Trend müxbir İ.Xəlilova/ Belarus Respublikasının baş naziri Sergey Sidorskinin Azərbaycana səfərinin tarixi martın 28-nə dəyişdirilib. Bu barədə məlumatı bazar ertəsi Nazirlər Kabinetindən veriblər. Müvafiq olaraq iqtisadi əməkdaşlıq üzrə Belarus-Azərbaycan hökumətlərarası komissiyanın 4-cü iclası (yeni tərkibdə ilk dəfə) həmin gün baş tutacaq.
Azərbaycan və Belarus mütəxəssisləri artıq iclasın gündəliyini və protokol layihəsini razılaşdırıblar.
Gündəliyə 17 oktyabr 2006-cı ildə Minskdə imzalanmış uzunmüddətli sosial iqtisadi əmkəkdaşlıq proqramının (2015-ci ilə qədər) təsdiq olunması daxildir.
Ölkələr arası hüquqi-müqavilə bazasının genişləndirilməsi çərçivəsində iclasda gələcəkdə imzalana biləcək yeni müqavilələr razılaşdırılacaq.
Ölkələrarası ticarət balansının artmasına baxamayaraq, iclasda ikitərəfli əməlkdaşlığın sonrakı inkişafı və hər iki ölkənin bazarında qarşılıqlı maraqlara uyğun gələn fəaliyyətin genişləndirilməsi, tədarük olunan malların sayının artırılması msəsələlərinə baxılacaq. Ötən ilin yekunlarına əsasən iki ölkə arasındakı mal dövriyyəsinin həcmi 115 faziz artaraq 22 mln. dollar təşkil edib. Nazirlər Kabinetində hesab edirlər ki, əsas problemlərdən biri olan nəqliyyat probleminin həll olunması (martın 8-də Bakı-Minsk-Bakı birbaşa aviareysi açılıb) mal dövriyyəsinin həcminin bir az da artmasına səbəb olacaq.
Görüş çərçivəsində Müdafiə Nazirlikləri arasında daha sıx əməkdaşlığın qurulması, Azərbaycanın Sənaye və Energetika Nazirliyi ilə Belars müəssisələri arasında əlaqələrin qurulması, Belarus bazarına kənd təsərrüfatı məhsullarının çıxarılması və digər məsələlər müzakirə olunacaq.