Azərbaycan,Bakı/müxbir Trend S.Babayeva/Azərbaycanın Hesablama Palatası (AHP) Agrolizing ASC-nin auditinə başlayıb. Bu barədə cümə günü AHP-dən məlumat verilib. Audit aprelin 27-dək davam edəcək, mühasibat hesabları, ödəmə-hesab və uçota əsasən ilkin sənədlər yoxlanılacaq.
Yoxlamaların məqsədi 2005-2006-cı illər üçün dövlət büdcəsindən "Kənd təsərrüfatı" xərcləri üçün ayrılmış vəsaitlərin istifadəsinin müəyyən edilməsidir.
Agrolizing ASC 23 oktyabr 2004-cü il tarixində yaradılıb. Müəssisənin fəaliyyəti aqrar sahənin yaxşılaşdırılması və ölkədə yerli torpaq sahiblərinə lizinq yolu ilə kənd təsərrüfatı texnikasının verilməsi ilə sahibkarlığa yardıma istiqamətlənib.
