Azərbaycan,Bakı/müxbir Trend S.Babayeva/Yanvar-fevralda Azərbacyana MDB ölkələrindən 293523,7 min dollar dəyərində mal gətirilib. Bu da ölkənin ümumi idxal həcminin 37,67 faizini təşkil edir.
Azərbaycanın MDB ölkələrinə mal ixracının həcmi isə 124943,3 min dollar (ümumi ixracın 15,11%) təşkil edib. MDB ölkələri ilə idxal-ixrac əməliyyatları üzrə 168580,3 min dollar həcmində mənfi saldo yaranıb.
MDB-yə əsasən qənd, qənnadı məmulatları, yanacaq, neft məhsulları, kimyəvi məhlullar, heyvan və bitki yağları, pambıq, meyvə ixrac olunub.
MDB-dən Azərbaycana mineral yanacaq, taxıl bitkiləri, avadanlıq, mexaniki qurğular, qara metallurgiya məmulatları və s. gətirilib.
