...

Azərbaycanda istehlak mallarının satışı artır

Biznes və iqtisadiyyat xəbərləri Materials 9 Aprel 2007 19:54 (UTC +04:00)

Azərbaycan, Bakı/ Trend / 2007-ci ilin yanvar-mart ayları ərzində ticarət şəbəkəsindən əhaliyə 1,7 milyard manatlıq və ya əvvəlki ilin eyni dövründəkindən 14,3 faiz çox geniş çeşidli müxtəlif istehlak malları satılıb. Bu barədə məlumatı bazar ertəsi Dövlət Statistika Komitəsindən veriblər.

İstehlak mallarının 1129,6 milyon manatını ərzaq, 602,1 milyon manatını qeyri-ərzaq malları təşkil edib və onların satışı 2006-cı ilin birinci rübü ilə müqayisədə müvafiq olaraq 11,4 və 20,8 faiz artıb.

İlin əvvəlindən əhaliyə 464,8 milyon manatlıq və ya 37,6 faiz çox pullu xidmət göstərilib. Xidmətin 74,8 faizi hüquqi, 25,2 faizi fiziki şəxslərin payına düşüb və onlar tərəfindən əhaliyə müfafiq olaraq 38,1 və 36,1 faiz çox pullu xidmət göstərilib.

Ölkə üzrə pərakəndə əmtəə dövriyyəsinin 16,2 faizi hüquqi şəxslərin, 48,4 faizi mütəşəkkil təşkil olunmuş yarmarka və bazarlarda fəaliyyət göstərən fiziki şəxslərin, 35,4 faizi isə hüquqi şəxs yaratmadan ticarətlə məşğul olan fərdi sahibkarların fəaliyyəti hesabına formalaşıb.

Xəbər lenti

Xəbər lenti