Azərbaycan,Bakı/müxbir Trend İ.Xəlilova/Apreldə Azərbaycanın İxracın və İnvestisiyaların Təşviqi Fondu (AZPROMO) meyvə şirələri və fındıq ixracatçılarının ilk görüşünü təşkil etməyi planlaşdırır. Bu barədə AZPROMO prezidenti Emil Məcidov məlumat verib.
"Biz yəqin ki, bu ixracatçıların alyanslarının hüquqi qeydiyyatını aparmayacağıq, təqdimat keçirib qeyri-formal olaraq ixracatçıların qeydiyyatsız fəaliyyət göstərməyinə imkan verəcəyik. Bunu düzgün hesab edirəm, çünki bu sahəni artıq öyrənmişik və bizə biznesmenlərin həlli tələb olunan məsələləri qaldırmağa başlaması lazımdır", - deyə fond rəhbəri bildirib.
Alyansların fəaliyyətinin nizama salınması məsələsi hələ açıq qalır. Məcidovun sözlərinə görə, fondun məqsədi bu funksiyanı biznes liderlərinin üzərinə qoymaqdır, lakin istənilən halda ilkin mərhələdə bu prosesdə AZPROMO iştirak etməlidir. Gələcəkdə yük şirkətin üzərinə qoyulacaq.
Şirə istehsalçılarının səylərinin birləşdirilməsində əsas məqsəd şirə istehsalı sahəsində çoxdan mövcud olan problemlərin həllidir. Problemlər arasında standartlar texnologiyası qeyd olunur. Bu gün Azərbaycanda istehsalat müasir texnologiyalara riayət olunmadan həyata keçirilir və müasir standartlara cavab vermir.
Alyansın yaradılması ilə ayrılıqda konkret istehsalçının şirəsini reklam etməmək üçün yeni Azərbaycan brendi tətbiq olunacaq.
Bu brendin öz keyfiyyət nişanı olacaq. Əgər məhsul bu nişanla nişanlansa, onlar Avropa tələblərinə əsasən buraxılacaq.
Alyans həmçinin marketinq və xarici bazarlarda Azərbaycan şirələrinin mövqe tutması ilə məşğul olacaq.
Fındıq ixracatçıları alyanslarının ilk məqsədi aflotaksin probleminin həlli və onların Avropa standartlarına uyğun istehsalının təşkili olacaq. Bu məsələdə kömək üçün respublikaya Avropa standartlarının gəlişi 2007-ci ilin birinci yarısında gözlənilir. Onlar ölkədə fındığın istehsal, saxlanma və nəql olunması prosesini qiymətləndirməlidirlər. Dəstək Almaniyanın Texniki Yardım Cəmiyyətinin (GTZ) texniki yardımı çərçivəsində göstəriləcək.
