Azərbaycan, Bakı/ Trend müxbir İ.Xəlilova/ Azərbaycan Banklar Assoosiasiyasının (ABA) Rəyasət Heyəti aprelin 13-də keçirilmiş ötən iclasında müzakirələri aprelin 20-də davam etdirmək barədə qərar qəbul edib. Bu barədə bazar ertəsi ABA-nın icraçı direktoru Fərhad Əliyev məlumat verib. Növbəti görüşə qədər banklar Assosiasiyanın Nizamnaməsi ilə bağlı şərh və təkliflərini verməlidirlər ki, daha sonra konfransın təsdiqinə çıxarılması üçün bəyənilsin. Rəyasət Heyəti əsasən texniki xaraktertli nöqsanları bildirib, amma Nizamnamədə prinsipial xarakter daşıyan dəyişikliklər də ediləcək. Qarşıdan gələn iclasda ABA Rəyasət Heyəti müzakirələri bitirərək büdcəni, ştat cədvəlini təsdiq etməyi, əsas fəaliyyət istiqamətlərini və ABA-nın institusional inkişafını müəyyən etməyi planlaşdırır.
Assosiasiyanın ştat cədvəli bank sahəsində yeni mütəxəssislərin cəlb olunması planı əsasında genişləndiriləcək.
ABA-nın əsas fəaliyyət istiqaməti və institusional inkişafı 2007-2011-ci illər fəaliyyət proqramı çərçivəsində hazırlanıb. Rəyasət Heyəti tərəfindən təsdiq olunandan sonra Asssosiasiyanın strukturunda müəyyən dəyişikliklər aparılacaq. Təkliflər paketi üç fəaliyyət istiqamətində - islahatlar, təhsil tədbirləri (bank işçilərinin ixtisaslarının artırılması) və bank təhlükəsizliyi sahələrini əhatə edəcək.