Azərbaycan,Bakı/müxbir Trend İ.Xəlilova/Azərbaycan hökuməti 2007-ci ilin birinci rübündə Beynəlxalq Valyuta Fondunun (BVF) kreditləri üzrə 14,5 mln. dollar ödəyib. Bu barədə Maliyyə Nazirliyindən məlumat verilib. Bunun nəticəsində 1 aprel 2007-ci ilə əsasən, fonda olan ümumi borc üç proqram üzrə (ESAF, EFF və PRGF) 120,5 mln. dollar təşkil edib. BFV-nin kreditləri üzrə ödəmələr Azərbaycanın Milli Bankının sərəncamında olan ölkənin valyuta ehtiyatları hesabına həyata keçirilir.
BVF-nin Azərbaycandakı daimi nümayəndəliyi artıq 8 ildir ki, fəaliyyət göstərir, lakin hökumətlə əməkdaşlıq 1992-ci ildən etibarən başlayıb. Kreditləşdirməyə beynəlxalq təşkilat 1995-ci ildən etibarən başlayıb. Bu günə qədər BVF Azərbaycana altı proqram çərçivəsində kreditlər ayırıb.
BVF ilə Azərbaycan hökuməti arasında əməkdaşlığın ilk anından altı proqram üzrə imzalanma baş tutub, onların üçü üzrə (STF, Stand-by və CCFF) artıq kreditlərin baxılması başa çatdırılıb. Bununla əlaqədar hökumət gələcək əməkdaşlıqda kreditlərin alınmasından imtina edib. Valyuta fondu qarşısında borc artmayacaq. Hökumət həmçinin BVF-nin kreditlərinin vaxtından əvvəl ödənilməsinə hazırdır, lakin onlar xeyirlidir, belə ki, 0,5 illik faizlə ayrılıb. Xarici banklarda valyuta depozitləri 2-2,5 illik faiz arasında tərəddüd edir. Həmçinin fondun kredit resurslarının yarıdan çoxu artıq qaytarılıb.
