Azərbaycan, Bakı /müx. Trend S.Əliev/ Çərşənbə axşamı AZAL dövlət konsernindən verilən məlumata görə, avqust ayında AZAL iki ATR markalı təyyarə əldə edəcək ki, bu təyyarələrdən əsasən daxili reyslər və regional marşrutlarda istifadə olunacaq. 2008-ci ildə AZAL daha iki belə hava nəqliyyatı vasitəsi əldə edəcək.
AZAL ilk növbədə Fransanın ATR şirkətinin təyyarələrini Naxçıvan, Lənkəran, Gəncə və Zaqatala hava limanlarına sərnişin daşımaq üçün istifadə edəcək. Dövlət konserni Fransanın ATR markalı təyyarə istehsal edən müəssisəsinə iki ATR-42-500S və dörd ATR-72-500 təyyarəsi sifariş edib. Müqavilənin ümumi məbləği 97,2 mln dollardır. Bu 50-70 nəfərlik kiçik təyyarələr olacaq.
Altı yeni təyyarənin əldə edilməsi Antonov və Tupolev tipli təyyarələri əvəz etməklə təyyarə parkını dəyişməyə və yeni regional marşrutlar yaratmağa imkan verəcək. ATR şirkətinin 2006-cı il üçün dövriyyəsi 700 mln. dollar təşkil edib. 2005-ci il illə müqayisədə artım 30% təşkil edib.