Azərbaycan, Bakı/ Trend müxbir Ü.İsmayılova/ Azərbaycanın ÜTT-yə üzvlüyü haqda danışıqlar üzrə Dövlət Komitəsi beynəlxalq ekspertlərə ÜTT prinsipləri üzrə təkmilləşdirilmək üçün 20 normativ hüquqi akt təqdim edib. Bu barədə cümə axşamı birinci Rusiya-Azərbaycan ticarət-iqtisadi beynəlxalq konfransda Azərbaycanın İqtisadi İnkişaf Nazirliyinin ÜTT məsələləri üzrə şöbə müdiri Ədalət Muradov məlumat verib.
Daha öncə Dövlət Komissiyasının VIII iclasında iqtisadi inkişaf naziri Heydər Babayev bəyan etmişdi ki, ölkənin ÜTT-yə daxil olması üçün xarici ekspertlərin köməyi lazımdır.
Muradovun sözlərinə görə, komissiya ÜTT prinsipləri üzrə təkmilləşdirilməsi üçün ekspertlərə təqdim olunacaq bütün mövcud normativ hüquqi aktların ingilis dilinə tərcümə olunması ilə məşğuldur.
1997-ci ildən ÜTT-də müşahidəçi statusuna malik olan Azərbaycan hazırda rəşkilata tam hüquqlu üzv kimi daxil olmaq üçün çoxtərəfli danışıqların beçinci mərhələsinin gözləmə dönəmini yaşayır.
