Azərbaycan, Bakı /müx. Trend İ.Xəlilova / Dövlət Agentliyinin direktoru Ramiz Həsənovun verdiyi məlumata görə, Azərbaycanın patent, standartlaşdırma və metrologiya üzrə Dövlət Agentliyi bir neçə informasiya mərkəzinin yaradılması prosesinə başlayıb.
Əqli Mülkiyyət üzrə Ümumdünya Təşkilat Dövlət Agentliyinə intellektual sahədə informasiya mərkəzinin yaradılması işində yardım göstərir.
Bundan əlavə, İSO informasiya mərkəzi yaradılır. "Azərbaycan İSO-nun bütün standartlarını qəbul edir və bu standartlar müxtəlif sahələrdən olan müəssisələr tərəfindən gələcəkdə tətbiq edilə bilər" - deyə Həsənov bildirib.
Dövlət Agentliyinin rəhbərinin sözlərinə görə, Azərbaycanın Ümumdünya Ticarət Təşkilatına daxil olması çərçivəsində keçirilən danışıqlar prosesində təklif olunan standartlaşma ilə bağlı gələcəkdə informasiya mərkəzinin yaradılması planlaşdırılır.
Bu mərkəz Azərbaycanda bu il fəaliyyətə başlayan standartlaşdırma institutunun bazasında yaradılacaq.
Belə bir institut Azərbaycanda prezident İlham Əliyevin 25 yanvar 2007-ci il sərəncamı əsasında keçmiş Yeyinti Sənayesi Elmi-Tədqiqat İnstitutunun bazasında Azərbaycanın standartlaşdırma, patent və metrologiya üzrə Dövlət Agentliyi kimi yaradılıb.
"Zygon Caspian Consalting" (ZCC) konsaltinq şirkəti may ayından başlayaraq İSO-nun 9001:2000 keyfiyyət standartının təbtiq edilməsində instituta konsaltinq sahəsində yardım göstərir. Konsaltinq 2007-ci ilin sonuna qədər göstəriləcək.
