Azərbaycan, Bakı/ Trend müxbir Ü.İsmayılova/ İyun ayında Bakının təkrar daşınmaz əmlak bazarında bir kvadratmetrin orta qiyməti $1238 təşkil edib. Bu barədə "Daşınmaz əmlak bazarının iştirakçıları" ictimai birliyinin məlumatında göstərilib.
İyun ayında Bakının daşınmaz əmlak bazarında stabillik müşahidə olunub. İyun ayında Azer-Rei qiymət indeksi 0,5 faiz, yaxud 1,1 bənd artaraq 305,5 bənd olub ki, bu da əsasən torpaq və kommersiya bazarının hesabına baş verib.
Təkrar daşınmaz əmlak bazarında qiymət indeksi 0,1 faiz azalıb ki, bu da cari ilin ötən ayları ərzində ilk azalmadır.
İyun ayında ən yuxarı qiymət şəhərin IV zonasında, III zonada tam stabillik, II və I zonada isə qiymətlərin azalması müşahidə olunub.
Bakıda iyun ayında bir mənzilin orta qiyməti $88518 təşkil edib.
