Azərbaycan, Bakı/ Trend müxbir Ü.İsmayılova/ Yanvar - iyul aylarında Azərbaycanda yerinə yetirilmiş inşaat işlərinin həcmi əvvəlki ilin göstəricisini 50,9 faiz üstələyərək 1622,2 mln. manat olmuşdur. Bu barədə məlumatı Dövlət Statistika Komitəsindən veriblər.
Tikinti sahəsində göstərilmiş ümumi xidmətlərin 369,9 mln. manatı dövlət müəssisələri, 892,3 mln. manatı özəl şirkətlərin payına düşüb.
Tikinti işlərinin ümumi həcminin 994,1 mln. manatı yeni tikinti, bərpa və genişləndirmə işlərinin, 157,9 mln. manat əsaslı təmir, 51,1 mln. manatı cari təmir işləri, 59,1 mln. manatı isə sair tikinti işlərinin payına düşüb.
Yanvar-may aylarında tikinti sahəsində işləyənlərin orta aylıq maaşı 352,8 manat təşkil edib ki, bu da 2006-cı ilin müvafiq dövründən 14,1 faiz çoxdur. İri tikinti şirkətlərilnin işçilərinin maaşı 415,3 mln. manat təşkil edib.
