Azərbaycan, Bakı/ Trend müxbir İ.Xəlilova/ İqtisadi və Humanitar əməkdaşlıq üzrə Azərbaycan-Türmkənistan hökumətlərarası komissiyanın ilk iclasını 2008-ci il yanvarın ortalarında Aşqabadda keçirmək planlaşdırılıb. Bu barədə Azərbaycan Nazirlər Kabinetindən məlumat veriblər. Ölkələr arasında əlaqə çoxdan kəsilib və indi danışıqlar üçün baza yaratmaq, komissiyanın vəziyyətini hazırlamaq, yaxın gündəliyə daxil etmək üçün məsələləri nəzərdən keçirmək lazımdır. Türkmənistan tərəfdən iclasın gündəliyi dəqiqləşdirilir. Görüşdə iqtisadi əməkdaşlığın bütün istiqamətlərini, əsasən də neft və qaz sahəsində əməkdaşlığı müzakirə etmək planlaşdırılıb. Gündəliyi Azərbaycanın Türkmənistana olan borcunun nizamlanması məsələsinin daxil edilməsi planlaşdırılır. Borc 1991-1992-ci illərdə yaranıb və danışıqlar gedişində onun həcmi müəyyən ediləcək. Türkmən tərəfi öz hesablamalarında təkid edir. Bu hesablamalara görə, borc üç dəfə artır. Rəsmi Bakı Azərbaycanın türkmən qazının alışına görə 18 mln. dollar borcu olduğunu hesab edir. Türkmən tərəfi isə faizləri nəzərə almaqla bu məbləğin 56 mln. dollar olduğunu iddia edir. Faizlərdən əlavə türkmən tərəfi 90-cı illərin əvvəlində Azərbaycan tərəfindən qazın alışına görə göndərilən malları nəzərə almır. Bu mallar yolda itib, lakin Azərbaycan tərəfi bu itkilərə görə məsuliyyət daşımır. Bundan əlavə, vəziyyəti müəyyən etmək üçün Azərbaycanın hüquq-mühafizə orqanları Aşqabada gediblər. Maliyyə Nazirliyi güman edir ki, kompromis əldə olunduğu halda faizlər barəsində də razılaşmaq mümkün olacaq. Hökumətlərarası komissiyanın sədri baş nazirin birinci müavini Yaqub Eyubov, türkmən tərəfdən isə baş nazirin müavini Xıdır Saparlıyev təyin edilib. Komissiyanın milli tərkibi Azərbaycan prezidenti İlham Əliyevin 2007-ci il 20 iyun sərəncamına əsasən formalaşdırılıb. Komissiyanın tərkibinə sənaye və energetika naziri Natiq Əliyev, Dövlət Gömrük Komitəsinin sədri Aydın Əliyev, Xaricdə Yaşayan Azərbaycanlılarla İş üzrə Dövlət Komitəsinin sədri Nazim İbrahimov, Azərbaycan Dövlət Dəmir Yol İdarəsinin rəisi Arif Əsgərov, Xəzər Dövlət Dəniz Gəmiçiliyi İdarəsinin rəisi Aydın Bəşirov, "Azerenerji" ASC-nin prezidenti Etibar Pirverdiyev, "Azeriqaz" QSC-nin sədri Əlixan Məlikov, maliyyə nazirinin birinci müavini İlqar Fətizadə, xarici işlər nazirinin müavini Xələf Xələfov, iqtisad inkişaf nazirinin müavini Mikayıl Cabbarov, nəqliyyat nazirinin müavini Musa Pənahov, kənd təsərrüfatı nazirinin müavini İlham Quliyev, mədəniyyət və turizm nazirinin müavini Ədalət Vəliyev, Dövlət Neft Şirkətinin İinvestisiyalar və marketinq üzrə vitse-prezidenti Elşad Nəsirov, Azərbaycanın Türkmənistandakı səfiri Elxan Hüseynov, Nazirlər Kabinetinin MDB ilə iqtisadi əlaqələr şöbəsinin rəisi Kamal İsmayılzadə (katib qismində) daxil olub.
...