Azərbaycan, Bakı, 21 fevral / müxbir İ.Xəlilova/ Ələt qəsəbəsində (Bakıya yaxın) 818 MVt gücündə özəl istilik- elektrik stansiyasının tikintisi layihəsinin dəyəri 640 mln. manat (523 mln. avro) qiymətləndirilir. Bu barədə cümə axşamı Azərbaycanın İqtisadi İnkişaf Nazirliyindən məlumat veriblər. Layihənin Cənubi Koreyanın KEPSO şirkəti tərəfindən hazırlanan texnik-elmi əsaslandırılmasına əsasən, stansiya 2 qaz və 1 buxar turbinindən ibarət olacaq və faydalı iş əmsalı 57,27% təşkil edəcək.
Stansiyada ən müasir qaz turbinlərindən istifadə olunması nəticəsində istehsal olunacaq hər 1 kVt/s enerjisinə cəmi 0,185 m3 təbii qaz sərfi nəzərdə tutulur. Başqa sözlə, 1 m3 təbii qazdan alınan enerjinin həcmi 5,4 kVt/s təşkil edir. Stansiyanın 1 KVt gücün "açar-təhvil" tikintisinə 783 manat (640) avro sərf olunacaq.
Layihənin Azərbaycanda, eləcə də post-sovet məkanında ilk dəfə həyata keçirildiyini nəzərə alaraq, İİN layihənin dəyərləndirilməsi prosesinə Fransanın BNP Paribas şirkəti maliyyə məsləhətçisi qismində, İngiltərənin Allen& Overy - hüquq məsləhətçisi, MottMacDonald - texniki məsləhətçi və Azərbaycanın MGB şirkəti yerli hüquq məsləhətçisi kimi cəlb edilib.
Layihənin həyata keçirilməsi üçün tələb olunan vəsaitin dövlət büdcəsi və ya dövlət zəmanəti ilə alınan kreditlərin cəlb edilməsi nəzərədə tutulmur. İnvestor isə, bütün xərcləri öz üzərinə götürmək niyyətindədir. Layihənin daha bir üstün cəhəti müasir texnologiyaların tətbiqi nəticəsində enerji istehsalında təbii qazdan istifadədir.
Şirkət tərəfindən tikinti və idarəetmə müddəti 25 il təklif olunub ki, bu da normal dünya təcrübəsidir.
Kepko-nun təklifləri qəbul edilən olduğu halda, Azərbaycan üçün elektrik stansiyası 3-3,5 ilə tikiləcək.
Hazırda KEPCO-nun təklifləri İqtisadi İnkişaf Nazirliyi və beynəlxalq Konsorsium tərəfindən nəzərdən keçirlir. Yaxın zamanda onlar razılaşdırılmaq üçün müvafiq dövlət orqanlarına veriləcək.
Məqalə müəllifinin ünvanı: [email protected]
