Azərbaycan, Bakı, 22 fevral / Trend , müxbir S.Əliyev / Ümumi həcmi 50 MVt-dan artıq olan (16 MVt hər biri) Səngəçaldakı yeni modul elektrik stansiyasının üç enerji blokunun istismara verilməsi müddəti texniki səbəblərdən marta keçirilib, - cümə günü "Azərenerji" Səhmdar Cəmiyyətinin vitse-prezidenti Marlen Əsgərov deyib. Generatorlar Finlandiyanın "Wartsila" şirkəti tərəfində istehsal edilib.
Qalan bloklar bu il ərzində quraşdırılacaq. "Azərenerji" və Finlandiyanın "Wartsila" şirkəti, 300 MVt gücündə yeni modul elektrik stansiyasının tikintisinə dair müqavilə imzalayıblar. Tikintinin başa çatdırılması 2008-ci ilin sentyabrına nəzərdə tutulub.
"Wartsila" Səngəçalda modul elektrik stansiyasının qazdan neftə və əksinə dəyişdirilməsinin yeni texnologiyasını təklif edib, bu da həmin prosesi xeyli sürətləndirəcək. Əvvəlcə şirkət dəyişdirmək müddətini - 24 saat təklif edib. Hazırda o, yarım saatadək endirilib.
Səngəçal rayonunda yeni enerjigenerasiya edən qurğuların tikilməsi, Abşeron yarımadasının keyfiyyətli və fasiləsiz elektirk enerjisi ilə təminatı üçün lazımdır.
Müəlliflə əlaqə saxlamaq üçün elektron ünvan - [email protected]