Azərbaycan, Bakı, 23 avqust/ Trend Cap , müxbir E.İsmayılov/ Cümə günü Bakının Xətai rayonunda yerləşən transformator məntəqəsində baş vermiş partlayış, yaxınlıqdakı binaların elektrik enerjisi ilə təminatına təsir göstərməyib, - şənbə günü "Bakıelektrikşəbəkə"ASC-dən bildiriblər.
"Transformator məntəqəsində baş vermiş partlayış, yaxnlıqdakı obyektlərin elektrik enerjisi ilə təminatına heç bir təsir göstərməyib", - ASC-dən deyiblər.
Məntəqədə partlayış, "Bakıelektrikşəbəkə"nin işçilərinin transformatoru dəyişdirmək üçün transformator məntəqəsinin qapısını açarkən baş verib. Transformatorun dəyişdirilməsi payız- qış mövsümünə hazırlığın artırılması proqramı çərçivəsində edilməli idi.
Məzahir Rüstəmov küçəsi 3 - ünvanında , 138 saylı məktəbin arxasında yerləşən transformator məntəqəsində baş vermiş partlayış quraşdırılmış partlayıcı qurğunun işə düşməsi nəticəsində baş verib.
Hadisə zamanı məntəqədə olan "Bakıelektrikşəbəkə"nin Xətai rayon şöbəsinin 2 əməkdaşı -Kamal Bağırov və Elmar İmanov həlak olub, Cəsur Məmmədov, Pərviz Seyidov və Ramil Qurbanov müxtəlif dərəcəli bədən xəsarəti alıb.
Hüquq-mühafizə orqanlarının əməkdaşları hadisə yerində təhqiqata başlayıblar.
"Bakıelektrikşəbəkə"dən bildiriblər ki, transformatorun payız-qış mövsümünə hazırlığı çərçivəsində dəyişdirilməsi, hüquq-mühafizə orqanlarının apardıqları təhqiqatdan sonra mümükn olacaq.