Qazaxıstan, Almatı, 08 oktyabr / Trend , müxbir K.Konırova/ Qazaxıstanda "Kaşaqan" yatağının mənimsənilməsinin başlanılması üzrə müddətin 2010-cu ildən 2013-cü ilə keçirilməsi ilə bağlı təzminatın məbləği $20 milyard təşkil edəcək, - çərşənbə günü Trend -ın Astanadakı şəxsi müxbirinə kimliyini bildirmək istəməyən yüksək vəzifəli mənbə bildirib.
Onun sözlərinə görə, oktyabrın 15-də Agip KCO Kosorsiumu və Qazaxıstan hökuməti arasında "Kaşaqan"ın mənimsənilməsi müddətinin 2013-cü ilə keçirilməsi ilə bağlı son razılaşma imzalanacaq.
Agip KCO-nun iştirakçıları bunlardır: Eni (layihənin operatoru), Total, ExxonMobil, Shell hərəsi 18,52 faiz, ConocoPhillips - 9,26 faiz, Inpex və "Kazmunayqaz" - hərəsi 8,33 faiz iştirakçı payına malikdir. "Kazmunayqaz" Şimali Xəzər Dənizi layihəsində 8,33 faizlik paya, $900 mln. alaraq 2005-ci ildə sahib çıxıb.
2005-ci ilin aprelində Britaniyanın BG şirkəti Agip KCO beynəlxalq konsorsiumda 16,67 faiz məbləğində öz payının satılması üzrə sövdələşmə bağlayıb. Qazaxıstan tərəfi bu layihədə BG-nin payının yarısını alıb. İkinci yarısını isə konsorsium iştirakçıları öz aralarında bölüblər.
Cari il iyunun sonunda Qazaxıstan hökuməti və Agip KCO "Kaşaqan" yatağında sənaye hasilatına 2013-cü ilin aprelində başlamaq barədə razılığa gəliblər.
