Gürcüstan, Tbilisi, 26 noyabr / Trend , müxbir N.Kirtsxaliya/ "Gürcüstan dəmiryolu" ASC 499 örtülü vaqonun əsaslı təmirini nəzərdə tutan tələb olunmayan lotlara beynəlxalq tender elan edib, - şirkətdən bildiriblər.
Tender təkliflərinin və iddialıların ixtisas xarakterli məlumatları qeyd olunan ərizələr 2008-ci ilin dekabrın 10-dək qəbul olunacaq.
Qalib, müqavilənin icrası ilə bağlı onun dəyərinin 5 faizi məbləğində bank təminatı təqdim etməlidir.
1473 yarımvaqonun və örtülü vaqonun xidmət müddətinin uzadılması və əsaslı təmiri ilə bağlı əvvəllər - avqustun 18-nə elan olunan tender baş tutmayıb, çünki iştirak üçün bir ərizə belə daxil olmayıb.
"Gürcüstan dəmiryolu" ASC oktyabrın 16-da iki lot üzrə təkrar beynəlxalq tender elan edib. Birinci lot 974 dördşaxəli yarıvaqonun əsaslı təmirini nəzərdə tutur. Təmir 2008-ci ilin dekabrından 2009-cu ilin avqustunadək gerçəkləşdirilməlidir.
İkinci lotda 2008-ci ilin dekabrından 2009-cu ilin mayınadək 499 örtülü vaqonun əsaslı təmiri nəzərdə tutulub. Tender təkliflərinin və iddialıların ixtisas xarakterli məlumatları qeyd olunan ərizələr noyabrın 6 - dan qəbul edilib.
"Gürcüstan dəmiryolu" ASC-nin nümayəndəsinin sözlərinə görə, 974 dördşaxəli yarımvaqonun əsaslı təmirilə bağlı tenderin qalibi bundan əvvəl "Tbilisi elektrovaqon təmiri zavodu" SC-nin 108 sementdaşıyıcının zavod şəraitində təmiri üçün tenderi qazanan Gürcüstan dəmiryolunun Rustavi "Vaqonqayırma" ASC olub.
Gürcüstan dəmiryolunun istismar uzunluğu 1324 km-dir, bunun 1246 km-i və ya 94,1 faizi - elektrikləşdirilib. 45 tunel, 1714 körpü, Rusiya və Ukrayna ilə dəmiryol-bərə keçidləri var.
Müəlliflə əlaqə ünvanı: [email protected]
