Gürcüstan, Tbilisi, 09 yanvar/ Trend , müxbir N.Kirtsxaliya/ Rusiya qazını Ermənistana nəql edən qaz kəmərində dörd zədələnmiş sahə aşkar olunub (hamısı Gürcüstan ərazisində).
Təmir işlərinin aparılacağı beş gün ərzində qaz tədarükü dayandırılacaq. Zədələr Ermənistanda yanacaq istifadəsinin mövsümi artması ilə əlaqədar, kəmərdə qazın təzyiqinin artması ilə izah olunur.
" Zədələrin qısa müddətdə aradan qaldırılması üçün qaz kəməri müvəqqəti bağlanılıb", - Gürcüstanın energetika naziri Aleksandr Xetaquri jurnalistlərə bildirib.
Bu kəmərlə Ermənistan (Gürcüstandan keçməklə) Rusiyadan 10 mln. kubmetr qaz alır. Ermənistanın qaz anbarı olduğundan, qaz təchizatı ilə bağlı cətinlik yaranmır.
Digər zədə ocaqlarına gəldikdə isə, bərpa işləri lokal qaydada aparılacaq.
Xetaqurinin sözlərinə görə, yazda qaz kəmərinin tam bərpası planlaşdırılır. Bu məqsədlə "Minilliyin çağırışları" Fondu artıq vəsait ayırıb.
Məqalə müəllifi ilə əlaqə ünvanı: [email protected]