Qazaxıstan, Astana, 29 yanvar/ Trend , müxbir K.Konırova/
2009 - cu ilin sonuna Kioto protokolunun əvəzinə yeni saziş qəbul etmək planlaşdırılır, - enerjinin istehlakı məsələləri üzrə ekspert Devid Hempton cümə axşamı Astanada bildirib.
"2012 - ci ilə Kioto Protokolunun müddəti başa çatır. Və indi dünyada bu sənədin əvəzi barədə fəal müzakirələr aparılır. Bu ya fəaliyyət planları və ya yol xəritələri, ya da yeni saziş olacaq", - Shell Global Solution şirkətinin təşkil etdiyi enerji istehlakı və karbohidrogen tullantıları məsələləri üzrə seminarda çıxış edən Devid Hempton deyib.
Onun sözlərinə görə, cari ilin sonuna müzakirələr başa çatmalıdır.
"Bu müzakirələrin əsas sualı: ABŞ yeni sazşə qoşulacaqmı? Bu ölkədəki son hadisələr və Ağ Evin yeni administrasiyasının hərəkətləri yeni sazişdə ABŞ - ın rolunun güclənəcəyini güman etməyə əsas verir", - ekspert vurğulayıb.
Gələcək sənəd üzrə müzakirələr kifayət qədər fəal gedir, - Hempton əlavə edib.
"Yeni sazişə yeni yanaşmalar və müxtəlif baxışlar mövcuddur. Ehtimal var ki, yeni saziş Kioto Protokoluna analoji olacaq. Lakin o ehtimal da var ki, bu sazişdə məsələlərin nəzərdən keçirilməsinə yanaşma dəyişəcək. Bu yanaşma sektoral olacaq, yəni sahələr üzrə, məsələn, metallurgiya və kömür sənayesi məsələləri üzrə problemlər ayrı - ayrılıqda nəzərdən keçiriləcək", - ekspert deyib.
Müəlliflə əlaqə saxlamq üçün elektron ünvan: [email protected]