Azərbaycan, Bakı, 16 aprel / Trend /
"Azərbaycanda regionların 2009-2013-cü illərdə sosial-iqtisadi inkişafı üzrə dövlət proqramı"ndakı fəaliyyət planı çərçivəsində, göstərilən dövrdə "Azəriqaz" SC (Azərbaycanda qaz satışı və bölgüsü) magistral qaz kəmərlərinin elektrik enerjisi təsərrüfatı və elektrik kimya müdafiəsi qurğularının bərpa və yenidənqurma işlərini aparacaq", - dövlət proqramında deyilir.
2010-2013-cü illərdə magistral qaz kəmərlərinin yenidənqurma və tikintisi işləri davam etdiriləcək.
Dövlət proqramı həm də ölkə regionlarının və yeni yaşayış məntəqələrinin qazla təminatının yaxşılaşdırılmasını nəzərdə tutur.
Ölkədə elektrik enerjisi istehsalının artırılması məqsədi ilə proqram çərçivəsində yeni elektrik stansiyalarının tikintisi planlaşdırılır. İşlərin aparılması "Azərenerji" SC-yə (Azərbaycanın ən böyük elektrik enerjisi istehsalçısı) həvalə olunub.
Həmçinin 2010-2012-ci illərdə "Azərenerji"yə elektrik enerjisi istehsalı zamanı yanacaqdan istifadəni azaltmaq, paylama şəbəkəsinin bərpası, istehlakçılardan istifadə olunmuş elektrik enerjisinə görə yığımları artırmaq tapşırılıb.
Bakı şəhəri və onun yaxınlığındakı qəsəbələr və başqa yaşayış məntəqələrinin elektrik enerjisi ilə təminatının yaxşılaşdırılması məqsədi ilə proqram çərçivəsində "Bakıelekrtikşəbəkə" SC-yə paylama şəbəkələrinin bərpası və yenidənqurma işlərini aparmaq, elektrik enerjisindən istifadə zamanı qeyri-qanuni müdaxilə və itkiləri ləğv etmək, həmçinin istifadə olunmuş elektrik enerjisinə görə istehlakçılardan yığımı artırmaq tapşırılıb. İşləri 2010-2013-cü illər ərzində görmək planlaşdırılır.
"Azəriqaz" SC-yə Bakı şəhəri və onun yaxınlığındakı qəsəbələr və başqa yaşayış məntəqələrinin istehlakçılarının qazla təminatını yaxşılaşdırmaq və istifadə olunmuş qaza görə istehlakçılardan yığımı artırmaq tapşırılıb. Həmçinin 2009-2012-ci illərdə qazpaylama şəbəkələri üzrə yenidənqurma işlərinin aparılması planlaşdırılır.
Bu dövrdə Bakı şəhəri və onun yaxınlığındakı qəsəbələr və başqa yaşayış məntəqələrinin qazanxanalarının bərpası planlaşdırılır. İşləri "Azəristiliktəchizat" SC aparacaq.
