Azərbaycan, Bakı, 14 iyul / Trend /
"Caspian Drilling Company"yə (CDC) məxsus "İstiqlal" qazma qurğusu ilin sonunadək profilaktik təmirdə olacaq. Qurğu gələn ildən "Şahdəniz" yatağında qazma işlərini davam etdirəcək. Bu barədə Azərbaycanın neft-qaz sənayesindəki mənbə məlumat verib. Bir müddət öncə BP ilə müqaviləyə əsasən, qazma qurğusu "Şahdəniz" strukturundakı SDX-5 quyusunda qazma işlərini başa vurub.
2009-cu ilin yanvar ayında sözügedən quyu 6559 metr dərinliyinə çatıb. Quyunun qazılmasına 2008-ci ilin iyununda "İstiqlal" qazma qurğusu vasitəsilə başlanılıb. SDX-5 quyusu "Şahdəniz" yatağının cənub-şərq hissəsində yerləşir.
Məqalə müəllifi ilə əlaqə ünvanı: [email protected]
