Azərbaycan, Bakı, 24 iyul / Trend , müxbir E.İsmayılov /
Azərbaycanın 2010-cu il üçün dövlət büdcəsinin hazırlanması zamanı neft hasilatı həcmi və növbəti ildə neftin qiymətlərinin proqnozunun müəyyən edilməsində olduğu kimi konservativ yanaşmalar saxlanılacaq. Bu barədə cümə günü Azərbaycan Dövlət Neft Fondunun (ADNF) başçısı Şahmar Mövsümov bildirib.
"Dövlət büdcəsinin hazırlanmasına artıq başlanılıb, onun üzərində işlər aparılır. Mən hesab edirəm ki, Azərbaycan Hökuməti növbəti ilin büdcəsinə neft hasilatı və neftin qiymətlərinin müəyyən edilməsində olduğu kimi konservativ yanaşacaq", - deyə Mövsümov bildirib.
"Növbəti ildə neftin proqnoz qiymətləri haqqında danışmaq üçün hələ tezdir, "rəqəmlər üzərində işlər aparılır", - Mövsümov deyib.
Mövsümov bildirib ki, ADNF-in hesablamalarına əsasən, neftin bu ilin birinci yarısında qiyməti bir barel üçün 48 dollar təşkil edib. Onun bildirdiyi kimi, məhz bu səbəbdən fondun Azərbaycan neftindən gəlirləri bu dövr ərzində 42,1 faizə kimi yerinə yetirilib.
Mövsümov ilin sonuna kimi neftin qiymətinin qalxmasının mümkünlüyünü istisna etməyib. Qiymətlər arta bilər və bu halda neftin qiyməti fond tərəfindən proqnozlaşdırılan qiymətə yaxın olacaq.
ADNF-in büdcəsində neftin qiyməti bir barel üçün 70 dollar təşkil edir.
Məqalə müəllifi ilə əlaqə ünvanı: [email protected]
