Azərbaycan, Bakı, 13 avqust / Trend , müxbir A.Bədəlova /
ABŞ-ın Enerji İnformasiyası üzrə Dövlət İdarəsi (EIA) OPEK-ə daxil olmayan ölkələrin neft tədarükünün həcminin 2009-cu ildə sutkada 410 min barel artaraq sutkada 50,06 milyon barelə kimi çatacağını proqnozlaşdırır. Əvvəl EIA bu ölkələrin tədarük artımının sutkada 360 min ton barel olacağını proqnozlaşdırmışdı.
EIA-nın proqnozlarına əsasən, 2010-cu ildə OPEK-ə daxil olmayan ölkələrin neft tədarükünün həcmi sutkada 50,22 milyon barelə kimi artacaq.
EIA-nın avqust məruzəsində deyildiyi kimi, göstərilmiş dövr ərzində Braziliya, ABŞ və keçmiş Sovet İttifaqı ölkələrində neft hasilatının yüksək səviyyəsi Meksika və Şimal dənizində neft hasilatının azalmasını kompensasiya edir.
EIA keçmiş Sovet İttifaqı ölkələrinin neft tədarükünün həcminin 2009-cu ildə sutkada 12,98 milyon barel, 2010-cu ildə isə sutkada 13,23 milyon barelə kimi artacağını proqnozlaşdırır.
EIA 2009-cu ildə Azərbaycanın neft tədarükü həcminin ildə 0,16 milyon barel artaraq sutkada 1,04 milyon barelə çatacağını gözləyir. EIA-nın proqnozlarına əsasən, 2010-cu ildə bu ölkənin neft tədarükünün həcmi 0,14 milyon barel artaraq sutkada 1,18 milyon barelə çatacaq.
OPEK-ə daxil olmayan ölkələrin neft tədarükünün ümumi həcminin sutkada 1,53 milyon bareli Qazaxıstanın payına düşəcək. EIA-nın proqnozlarına əsasən, 2010-cu ildə ölkə tədarükləri 0,13 faiz artıraraq sutkada 1,66 milyon barelə çatdıracaq.
2009-cu ildə Türkmənistanın tədarüklərinin həcmi sutkada 0,2 milyon barel təşkil edəcək. Proqnozlara əsasən, 2010-cu ildə tədarüklərin həcmi əvvəlki səviyyədə saxlanılacaq.
EIA-nın proqnozlarına əsasən, OPEK-in hasilatı 2009-cu ildə sutkada 29,05 milyon barel təşkil edəcək. 2010-cu ildə EIA OPEK-in tədarüklərinin həcminin sutkada 0,23 milyon barel azalaraq 28,82 milyon barel təşkil edəcəyini gözləyir.
Enerji İnformasiya üzrə Dövlət İdarəsi 1977-ci ildə Konqres tərəfindən yaradılmış ABŞ-ın Energetika Departamentinin Statistik Agentliyidir.
Məqalə müəllifi ilə əlaqə ünvanı: [email protected]
