...

Azərbaycan 2009-cu ildə "Şahdəniz" yatağından 1,3 milyard kubmetrdən çox qaz əldə edib

Energetika Materials 20 Yanvar 2010 14:09 (UTC +04:00)
Azərbaycan 2009-cu ildə "Şahdəniz" qaz-kondensat yatağından 1,3 milyard kubmetrdən artıq qaz əldə edib. 2008-ci ilin analoji dövründə bu göstərici 2,7 milyard kubmetr olub.

Azərbaycan, Bakı, 20 yanvar / Trend /

Azərbaycan 2009-cu ildə "Şahdəniz" qaz-kondensat yatağından 1,3 milyard kubmetrdən artıq qaz əldə edib. 2008-ci ilin analoji dövründə bu göstərici 2,7 milyard kubmetr olub. Bu barədə ARDNŞ bildirib.

Ötən il ərzində əldə edilən qazın ümumi həcmindən 526,27 milyon kubmetri ARDNŞ-nin "Şahdəniz" layihəsindəki iştirak payına düşür, qalan hissəsi, yəni 747,4 milyon kubmetrə yaxın qaz isə ARDNŞ tərəfindən alınıb.

"Şahdəniz" yatağının işlənməsinə dair müqavilə 1996-cı il iyunun 4-də imzalanıb. Layihə iştirakçıları bunlardır: bp (operator) - 25,5 faiz, Statoil Hydro - 25,5 faiz, NICO - 10 faiz, Total - 10 faiz, LukAgip - 10 faiz, TPAO - 9 faiz, ARDNŞ - 10 faiz. Bu yataqda ümumi qaz ehtiyatı 1,2 trln. kubmetr həcmində qiymətləndirilir.

Hazırda "Cənubi Qafqaz" boru kəməri vasitəsilə Türkiyə və Gürcüstana qaz nəql olunur. Bu yatağın işlənməsinin ikinci fazası çərçivəsində hər il 20 milyard kubmetrədək qaz hasil etmək planlaşdırılır.

Xəbər lenti

Xəbər lenti