Azərbaycan, Bakı, 17 fevral / Trend /
2010-cu il fevralın 1-nə olan məlumata əsasən, Azərbaycanın əsas mazut istehlakçılarının ehtiyatları 340,9 min ton təşkil edib ki, bu da 2009-cu ilin yanvar ayının göstəricisindən 5,4 faiz çoxdur. Bu barədə Azərbaycan Dövlət Statistika Komitəsi məlumat verib.
Fevralın 1-nə olan məlumata əsasən, avtomobil benzini ehtiyatı 16,1 min ton təşkil edib ki, bu da 2009-cu ilin yanvar ayına olan göstəricidən 17,9 faiz azdır.
Fevralın 1-nə olan məlumata əsasən, dizel istehlakçılarının ehtiyatları 14,9 min ton təşkil edib ki, bu da 2009-cu ilin yanvar ayına olan göstəricidən 2,6 faiz azdır.
Əsas maye qaz istehlakçılarının ehtiyatlarının həcmi 1,2 min ton təşkil edib ki, bu da ötən ilin analoji göstəricisindən 20 faiz çoxdur.
Əsas daş kömür istehlakçılarının ehtiyatları 7,5 min ton təşkil edib ki, bu da ötən ilin analoji göstəricisindən 1,4 faiz çoxdur.