Аzərbaycan, Bakı, 19 iyun /Trend/
Yeddi il bundan əvvəl Azərbaycanda dövlət qeydiyyatından keçmiş "BP Oil International Ltd" şirkəti ölkədə öz hüquqi simasını ləğv etmək barədə elan verib. Şirkətin müvafiq elanı şənbə günü rəsmi şəkildə dərc olunub.
"BP Oil International Ltd" Azərbaycanda qeyri-iqtisadi fəaliyyət göstərirdi, regionda müştərilər arasında və müştərilərlə birbaşa işləyən BP-nin Londondakı baş ofisi ilə tərəfdaşlıq əlaqələrinin yaranması ilə məşğul olurdu.
2003-cü il martın 24-də yaradılmış, öz nümayəndəlikləri və nümayəndəsini Azərbaycanda saxlamış BP Oil International şirkəti lüzumsuz olduğuna görə ölkədə hüquqi simasını ləğv etsə də, öz işini əvvəlki qaydada davam etdirir.
BP-nin baş ofisinə birbaşa tabe olan şirkətdən verilən məlumata əsasən, 60 gün ərzində bütün müvafiq tələblər və suallar "BP Azerbaijan"ın hüquq şöbəsi tərəfindən aşağıdakı ünvanlar üzrə qəbul olunur: Bakı, İzmir küç,1033, Hyatt Tower III.Telefon: (99412) 4377562, faks: (99412) 4377442, e-mail: [email protected].
"BP Oil International Ltd"nin Azərbaycanda karbohidrogenlərin hasilatı və ixracı ilə məşğul olan "BP Azerbaijan" şirkətinə aidiyyəti yoxdur.
