Аzərbaycan, Bakı, 10 iyul /Trend, müxbir А.Bədəlova/
2010-cu ilin birinci rübündə Xəzər regionunda (Azərbaycan, İran, Qazaxıstan, Rusiya) orta sutkalıq neft hasilatı 16,281 milyon barel təşkil edib ki, bu da 2009-cu ilin analoji dövrü ilə müqayisədə sutkada 0,538 milyon barel çoxdur.
EIA-nın dünya nefti üzrə məruzəsinə əsasən, apreldə Xəzər ölkələrinin orta sutkalıq neft hasilatı 16,322 milyon barel təşkil edib. Cari ilin fevral ayında bu göstərici 16,341 milyon barel olub.
EIA-nın məlumatına görə, 2010-cu ilin yanvar-fevral aylarında Azərbaycanda orta sutkalıq neft hasilatı 1,014 milyon barel səviyyəsində, İranda 4,105, Qazaxıstanda 1,514, Rusiyada isə 9,648 milyon barel təşkil edib.