Azərbaycan, Bakı, 10 avqust /Trend, müxbir S.Süleymanov/
"Transəfqan qaz kəmərinin tikintisi Əfqanıstanda sabitliyin bərpa olunacağı şəraitdə mümkündür. Bu barədə Yaponiya xarici işlər nazirinin mətbuat katibi Kazuo Kodama bildirib.
""Transəfqan qaz kəməri"nin tikinti layihəsi ötən həftə xarici işlər nazirləri tərəfindən Daşkənddə keçirilən "Mərkəzi Asiya-Yaponiya" dialoğu çərçivəsində üçüncü iclas zamanı müzakirə olunub", - Kodama bildirib.
Onun sözlərinə görə, Yaponiya Özbəkistan xarici işlər naziri Vladimir Norovun dediklərini dəstəkləyir.
"Özbəkistanın xarici işlər naziri iclasda bu layihənin müzakirələri zamanı bildirib ki, Əfqanıstanda sabitlik bərpa olunan kimi bu, regionun iqtisadi artımına, planlaşdırılan bir çox perspektivli layihələrin reallaşdırılmasına dərhal təsir göstərəcək", - Kodama bildirib.