Azərbaycan, Bakı, 27 avqust /Trend, müxbir E.İsmayılov/
"Tengiz" yatağından Qazaxıstan neftinin Bakı-Tbilisi-Ceyhan (ВТС) boru kəməri ilə nəqli yalnız zəmanətli və böyük həcmli tədarükdə məqsədəuyğundur. Bu barədə ARDNŞ-dəki mənbə bildirib.
Mənbənin sözlərinə görə, böyük həcm qismində 500-600 min və ya minimum 400 min ton nefti nəzərdən keçirmək olar.
ABŞ-ın "ChevronTexaco" şirkəti 2008-ci ildə BTC boru kəməri ilə Tengiz neftinin nəqlinə başlayıb. "ChevronTexaco" "Tengiz" yatağının operatorudur.
Hazırda Azərbaycana tədarük edilən Qazaxıstan nefti dəmiryolla Gürcüstan limanlarına (Kulevi və Batumi) nəql olunur.
"Tengizchevroil" hər ay Azərbaycan ərazisi vasitəsilə dəmiryolla 150 min tona qədər Qazaxıstan nefti nəql edir. Dəmiryolla nəql üçün bu həcm optimaldır", - mənbə qeyd edib.
BTC Co-nun səhmdarları aşağıdakılardır: bp (30,1 faiz); AzBTC (25 faiz); "Chevron" (8,90 faiz); "Statoil" (8,71 faiz); ТРАО (6,53 faiz); "Eni" (5 faiz); "Total" (5 faiz); "Itochu" (3,40 faiz); "Inpex" (2,50 faiz); "ConocoPhillips" (2,50 faiz) və "Amerada Hess" (2,36 faiz).
