Azərbaycan, Bakı, 30 sentyabr /Trend/
Yanvar-avqust aylarında "Azərenerji" ASC-nin paylayıcı elektrik şəbəkələri (PEŞ) 4,2 milyard kilovat-saat elektrik enerjisi istehlak edib. Bu barədə SC-nin məlumatında deyilir.
Məlumatda deyildiyinə görə, səkkiz ay ərzində elektrik enerjisi istehlakına görə yığımlar 87 faiz təşkil edib ki, bu da ötən ilin göstəricisindən 6,1 faiz çoxdur.
Avqustda PEŞ-lərin elektrik enerjisi istehlakı 521,7 milyon kilovat-saata yaxın olub. Avqustda istehlak edilən elektrik enerjisinə görə ödənişlər 94 faizdən çox olub ki, bu da ötən ilin analoji dövründən 8,7 faiz çoxdur.