Azərbaycan, Bakı, 25 noyabr /Trend/
Yanvar-oktyabr aylarında ARDNŞ (Azərbaycan Respublikası Dövlət Neft Şirkəti) Azərbaycan əhalisinə 1,36 milyard kubmetrdən çox qaz verib. Bu barədə ARDNŞ-nin məlumatında deyilir. Oktyabrda şirkət tərəfindən əhaliyə 70,4 milyon kubmetr qaz verilib.
Ötən dövr ərzində sənaye müəssisələrinə 754,9 milyon kubmetr, oktyabrda isə 84,8 milyon kubmetr qaz ötürülüb.
Yanvar-oktyabrda kommunal büdcə müəssisələrinə 166 milyon kubmetr qaz verilib. Oktyabrda bu göstərici 5,4 milyon kubmetr təşkil edib.
Yanvar-oktyabrda ARDNŞ tərəfdən Naxçıvan Muxtar Respublikasının Dövlət Energetika Agentliyinə 86,7 milyon kubmetr qaz ötürülüb. Oktyabrda bu göstərici 15,1 milyon kubmetr təşkil edib.
Əvvəllər ölkə daxilində bütün qaz əməliyyatlarını "Azəriqaz" QSC həyata keçirirdi. Keçən ilin iyunda QSC istehsalat birliyi qismində ARDNŞ-nin tərkibinə daxil edilib.
