Azərbaycan, Bakı, 18 mart /Trend, müxbir E.İsmayılov/
ARDNŞ (Azərbaycan Respublikası Dövlət Neft Şirkəti) "Xıllı" yatağında üçölçülü geofiziki işlərin aparılması üzrə səhra işlərini başa çatdırıb. Bu barədə cümə günü Trend-ə ARDNŞ-dəki mənbə məlumat verib. Yatağı Virciniya adalarında qeydiyyata alınan "Neftchala Investment Limited"in (NIL) təsis etdiyi "Neftchala Operating Company Ltd" işləyir.
ARDNŞ və NIL arasında "Neftçala", "Xıllı", "Durovdağ", "Babazənən" quru yataqlarının, həmçinin, Muğan monoklinalının Cənub-Qərb qanadının işlənməsi üzrə hasilatın pay bölgüsü (PSA) haqqında müqavilə 2009-cu il fevralın 3-də imzalanıb. Bu sazişdə ARDNŞ-yə 20 faiz, NIL-ə 80 faiz (layihənin operatoru) məxsusdur. Müqavilə sonradan 5 il uzadılmaq imkanı ilə 25 il müddətinə imzalanıb.
Əvvəllər ARDNŞ bu ərazidə geofiziki çöl işlərinin aparılmasına dair tenderin qalibi olub.
"Hava şəraiti işləri başa çatdırmağa imkan verir", - mənbə qeyd edib.
ARDNŞ bu müqavilə çərçivəsində yalnız geofiziki işlər aparır, interpretasiyanı isə sifarişçi aparacaq.