...

ABŞ-ın şirkəti ARDNŞ-yə iri layihə çərçivəsində TİƏ təqdim edəcək

Energetika Materials 8 Aprel 2011 14:47 (UTC +04:00)

Trend-i buradan izləyin

Azərbaycan, Bakı, 8 aprel /Trend, müxbir E.İsmayılov/

Aprel ayı ərzində ABŞ-ın MI-LLC şirkəti ARDNŞ-yə (Azərbaycan Respublikası Dövlət Neft Şirkəti) şirkətin tullantılarının utilizasiyası mərkəzinin yenidən qurulması üzrə layihənin texniki-iqtisadi əsaslandırmasını (TİƏ) təqdim edəcək. Bu barədə cümə günü ARDNŞ-dəki mənbə məlumat verib.

"TİƏ-nin hazırlanması aparılıb, bir neçə alternetiv variant işlənib. Bu ay ərzində sənəd artıq ARDNŞ-yə təqdim olunacaq", - mənbə deyib.

Yeni mərkəz şirkətin hələ sovet dövründən qalan və neft şlamının saxlanılması üçün təyin olunmuş binası əsasında yaradılacaq. Mərkəz neft şlamı və 62 növ məişət və sənaye tullantılarının yenidən emalına istiqamətlənəcək.

Tullantıların utilizasiyası üzrə mərkəzin yenidən qurulması üçün TİƏ-nin hazırlanması üzrə müqavilə ötən il mayın 20-də MI-LLC və ARDNŞ arasında imzalanıb.

TİƏ-nin hazırlanması çərçivəsində, həmçinin ARDNŞ-nin müəssisələrinin fəaliyyəti nəticəsində əmələ gələn tullantıların həcmindən asılı olaraq, yenidən emal üzrə müvafiq texnologiyaların seçimi nəzərdə tutulub.

İşlər ARDNŞ və Amerikanın Ticarət və İnkişaf Agentliyi arasında 572 min dollar dəyərində qrant saziş çərçivəsində həyata keçirilir. Saziş ötən il avqustun 13-də imzalanıb.

Xəbər lenti

Xəbər lenti