Azərbaycan, Bakı, 23 sentyabr /Trend, müxbir E.İsmayılov/
Azərbaycanda yeni neft emalı zavodu istismara verilənədək ARDNŞ (Azərbaycan Respublikası Dövlət Neft Şirkəti) respublikada benzinə və dizel yanacağına artan tələbatı təmin etmək niyyətindədir. Bu barədə Trend-ə cümə günü "Gas Infrastructure World Caspian - 2011" konfransında ARDNŞ-nin emal üzrə vitse-prezidenti David Məmmədov bildirib.
Onun sözlərinə görə, bu məqsədlə ARDNŞ xüsusi proqram hazırlayıb.
Benzinə və dizel yanacağına tələbat üzrə məlumatların analizi daimi artım tendensiyasının olduğunu göstərir. Məmmədov deyib ki, bu ilin birinci yarısının yekunları üzrə benzinə tələbat 6,8 faiz təşkil edib.
Ölkənin neft məhsullarına daxili tələbatın öyrənilməsi, şirkətin neft emalı zavodlarının, eləcə də Heydər Əliyev adına Bakı NEZ-in neft məhsullarının Gürcüstan bazarına satışı üçün yenidənqurma işləri nəzərdə tutulub.
Həmçinin, şirkət benzin və dizel yanacağının keyfiyyətinin Avro-3 standartınadək (2012-ci ildə dizel, 2013-cü ildə benzin) çatdırmaq fikrindədir.
Bütün bu işlərə (modernləşdirmə və yanacağın keyfiyyətinin artırılması) investisiyaların həcmi 80-110 milyon dollar səviyyəsində nəzərdə tutulub.
