...

ARDNŞ Xəzər akvatoriyasında gəmilərə tələbatı təmin etmək niyyətindədir

Energetika Materials 5 Oktyabr 2011 14:51 (UTC +04:00)

Trend-i buradan izləyin

Azərbaycan, Bakı, 5 oktyabr /Trend, müxbir E.İsmayılov/

ARDNŞ-nin (Azərbaycan Respublikası Dövlət Neft Şirkəti) yeni gəmiqayırma zavodu Azərbaycanın və bütün Xəzər akvatoriyasının gəmilərə olan tələbatını təmin etməyə imkan verəcək. Trend-in məlumatına görə, bu barədə çərşənbə günü jurnalistlərə ARDNŞ-nin prezidenti Rövnəq Abdullayev bildirib.

Onun sözlərinə görə, zavodda dünya standartlarına cavab verən yüksəkkeyfiyyətli gəmilər istehsal olunacaq.

"İlk gəmi artıq 2013-cu ildə suya buraxılacaq", - Abdullayev əlavə edib.

Yei zavodun yerləşəcəyi ərazi 880 min kvadratmetr, qapalı istehsal sahəsi 75 min kvadratmetr, körpülərin uzunluğu isə 1300 metr təşkil edəcək.

"Zavodda işləmək üçün ilkin mərhələdə 1000 nəfər işçi çalışacaq, 3-5 ildən sonra isə zavodun işçilərinin sayı 1700-2000 nəfər təşkil edəcək", - Abdullayev bildirib.

Zavodun tikintisi üçün ayrılan investisiyanın həcmi 450 milyon dollardır.

Zavodun gücü ildə 25 min ton dəmir konstruksiya təşkil edir.

Zavod hər il 15 min ton dedveytə malik dörd tanker və ya 70 min ton dedveytə malik iki tanker istehsal edeəbilər. Bundan əlavə zavod ildə dörd gəmi və yedək gəmisi istehsal edə və müxtəlif təyinatlı 80-100 ədəd gəmi təmir edə biləcək.

Xəbər lenti

Xəbər lenti