Azərbaycan, Bakı, 3 may /Trend/
Bu gün Lənkəran rayonunun Şağlaküçə və Kosalar kəndlərinə ilk dəfə olaraq təbii qaz verilib.
Trend ARDNŞ-nin rəsmi saytına istinadən məlumat verir ki, bu münasibətilə keçirilən tədbirdə qeyd olunub ki, ümumilikdə 1000 abonenti olan kəndlərin qazlaşdırılması üçün birpilləli sistem əsasında ümumi uzunluğu 15 511 metr olan müxtəlif diametrli daşıyıcı və məhəllədaxili qaz kəmərləri çəkilib, 1000 ədəd sayğac və fərdi tənzimləyici quraşdırılıb.