Azərbaycan, Bakı, 19 avqust /Trend, müxbir E. İsmayılov/
Bakı-Tbilsi-Ceyhan (BTC) neft kəməri ilə "Urals" markalı neftin nəql olunması Türkiyənin Ceyhan (BTC) limanından göndərilən neftin keyfiyyətinə təsir etməyəcək. Trend-in məlumatına görə, bu barədə bazar ertəsi jurnalistlərə açıqlamasında ARDNŞ-in (Azərbaycan Respublikası Dövlət Neft Şirkəti) rəhbəri Rövnəq Abdullayev bildirib.
Hazırda ARDNŞ və "Rosneft" Bakı-Novorossiysk neft kəməri vasitəsilə revers rejimində il ərzində 5 milyon ton həcmində "Urals" markalı neftin nəqli ilə bağlı danışıqlar aparırlar. Danışıqların və baxılan əməliyyatların iqtisadi məqsədəuyğunluğu uğurlu olacağı halda neftin bir hissəsi Azərbaycanda emal olunacaq, digər hissəsi isə BTC ilə göndəriləcək və Ceyhan limanından Aralıq dənizinə göndəriləcək. Effektivliyin qiymətləndirilməsi və danışıqların aparılmasını bu ilin sonuna kimi yekunlaşdırmaq planlaşdırılır.
Abdullayevin sözlərinə görə, ARDNŞ "Rosneft" qarşısında Bakı-Novorossiysk boru kəməri vasitəsilə reversiv rejimdə nəql ediləcək neftin bir faizdən az kükürd təşkil edəcəyi şərtini qoyub ki, bu da Bakı-Tbilisi-Ceyhan neft boru kəməri vasitəsilə nəql edilən neftin keyfiyyətinə təsir etməyəcək və Ceyhanda yerləşən terminaldan "Azeri Light" markalı neftin göndərilməsinə imkan verəcək.
Öz növbəsində "Urals" markalı neftinn qismən Bakı-Tbilsi-Ceyhan vasitəsilə nəql olunaraq oradan da "Rosneft" şirkətinin pay sahibi olduğu İtaliya və Almaniyada yerləşən NEZ-də (neft emalı zavodu) "Azeri Light" markalı neftin imalına imkan yaradacaq.
Abdullayevin sözlərinə görə, effektiv boru kəməri olan BTC "Azeri Light" markalı neftin Azərbaycan neftinin, o cümlədən Mərkəzi Asiyadan neft və iqtisadi cəhətdən məqsədəuyğun olduğu təqdirdə Bakı-Novorossiysk boru kəməri ilə gətiriləcək "Urals" markalı neftin bir hissəsi təqdim ediləcək.
Abdullayev vurğulayıb ki, razılığa əsasən, bütün proqramların reallaşdırılacağı təqdirdə gəlir tərəflər arasında bərabər bölünəcək.