...

"Azərişıq" tətil günlərində onlayn fəaliyyət göstərəcək

Energetika Materials 18 Mart 2020 14:31 (UTC +04:00)
“Azərişıq” ASC tərəfindən vətəndaşlara göstərilən bütün növ xidmətlər onlayn şəkildə davam etdirilir.
"Azərişıq" tətil günlərində onlayn fəaliyyət göstərəcək

Trend-i buradan izləyin

Bakı. Samir Əli - Trend:

“Azərişıq” ASC tərəfindən vətəndaşlara göstərilən bütün növ xidmətlər onlayn şəkildə davam etdirilir.

Bu barədə Trend-ə "Azərişıq" ASC-nin mətbuat xidmətinin rəhbəri Tanrıverdi Mustafayev deyib.

Onun sözlərinə görə, artıq bu gündən etibarən "Facebook" və "İnstagram" vasitəsilə canlı bağlantı, eləcə də "Whatsapp" üzərindən müraciətlərin qəbulu həyata keçirilir:

"Cari ayın 29-dək Səhmdar Cəmiyyət tərəfindən onlayn müraciətlərin qəbuluna daha çox üstünlük veriləcək. Əsasən, yeni "Whatsapp" nömrəmiz üzərindən “Azərişıq” ASC-nin göstərdiyi bütün xidmətlər barəsində məlumat ala bilərsiniz. Bununla yanaşı, sosial şəbəkələrdə daha operativ xidmət göstərmək üçün bayram günləri ilə əlaqədar olaraq rəsmi "Facebook" və "İnstagram" səhifələrində canlı bağlantı həyata keçiriləcək. Vətəndaşların hər hansı bir sualı yaranarsa, suallarını bizə sosial şəbəkələr vasitəsilə canlı bağlantı zamanı ünvanlaya bilərlər. Həmçinin, “ASAN xidmət” və “ASAN Kommunal” mərkəzlərində yalnız bir pəncərədə ən zəruri xidmətlər göstəriləcək.

Vətəndaşlarımız yaranmış suallarını və müraciətlərini təyin olunmuş “ASAN xidmət” və “ASAN Kommunal” mərkəzləri ilə yanaşı “199” Çağrı Mərkəzi, "Facebook", "İnstagram", [email protected] və whatsapp nömrəmizə də yönləndirə bilərlər.

"Whatsapp nömrəmiz": +994772176762.

Facebook səhifəmiz: Azərişıq ASC,

İnstagram səhifəmiz: Azərişıq ASC".

Məqalədə:
Xəbər lenti

Xəbər lenti