Bakı. Trend:
2022-ci ildə Trans-Adriatik qaz xətti (TAP) ilə Avropaya Azərbaycan qazının tədarükü 10 milyard kubmetrə çatacaq.
Trend-in məlumatına görə, bu barədə Beynəlxalq Enerji Agentliyinin (BEA) hesabatında deyilir.
Agentlik qeyd edir ki, 2021/2022 istilik mövsümündə Azərbaycan qazının Avropa İttifaqına tədarükü təxminən 4 milyard kubmetr artıb.
"Oktyabr-fevral aylarında Azərbaycanda təbii qaz hasilatı 28 faiz və 3,4 milyard kubmetr artıb ki, bu Aİ-yə TAP vasitəsilə qaz tədarükünü 3,35 milyard kubmetr artırmağa imkan verib. 2021-ci ildə Azərbaycand təbii qaz hasilatı 25 faiz və ya 6,5 milyard kubmetr artıb", - hesabatda deyilir.
Həmçinin qeyd olunur ki, Azərbaycandan Avropaya qaz ixracı 40 faiz və ya 4,5 milyard kubmetr artıb. TAP vasitəsilə Aİ-yə 8 milyard kubmetrdən çox qaz ixrac olunub.
Twitter: @Lyaman_Zeyn
(Tərcümə: Orxan Nəbiyev)