Bakı. Trend:
Azərbaycan Respublikasının ərazisində elektron pulun emissiyasının həyata keçiriləcəyi yerlər müəyyənləşib.
Trend xəbər verir ki, bu barədə Milli Məclisin İqtisadi siyasət, sənaye və sahibkarlıq komitəsinin bu gün keçirilən iclasında müzakirə edilən “Ödəniş xidmətləri və ödəniş sistemləri haqqında” yeni qanun layihəsində əksini tapıb.
Bunlar aşağıdakılar tərəfindən həyata keçirilə bilər:
-banklar və xarici bankların yerli filialları;
-poçt rabitəsinin milli operatoru;
-elektron pul təşkilatları.
Emitent elektron pulun emissiyası məqsədilə qəbul edilmiş pul vəsaiti məbləğində dərhal elektron pulu emissiya edir və elektron pul sahibi tərəfindən istifadəsinə imkan yaradır.