Azərbaycan Dövlət Neft Şirkəti 2006-cı ilin birinci yarısında dayazsulu "Günəşli" yatağında 3 istismar quyusunda qazma işlərini başa çatdırmaq niyyətindədir. Bu barədə Trend ə ARDNŞ-dən məlumat verilib. Bir sıra problemlərlə əlaqədar ARDNŞ 2005-ci ildə bu quyularda qazma işlərini başa çatdıra bilməyib.
Hazırda yataqda 4 istismar quyusu qazılır. QMSP-13 neft-qaz hasilatı platformasındakı 427 №-li quyunun layihə dərinliyi 3170 metr təşkil edir. Qazma işləri 2800 metr dərinlikdə aparılır. QMSP-14 neft-qaz platformasındakı 417 №-li quyuda qazma işləri 2700 metr dərinlikdə aparılır. Quyunun layihə dərinliyi 3630 metr təşkil edir. 19 Nli dəniz stasionar platformasında 73 saylı quyunun layihə dərinliyi 3900 metr təşkil edir. İndiyə kimi 3 min metr qazılıb. Qazma işlərini "Bayıl limanı" Dəniz Qazma İşləri İdarəsi yerinə yetirir.
Dayazsulu "Günəşli" yatağı 1980-ci ildən işlənir. O Abşeron yarımadasının cənub-şərqində yerləşir və Azərbaycan neft hasilatının 65% -ə qədərini, ölkədə dənih hasilatının 83%-ni təmin edir. Sahədə neft ehtiyatları 94-130 mln ton təşkil etdiyi ehtimal edilir.