Azərenerji SC-nin nümayəndə heyəti başda Marlen Əsgərov olmaqla Türkiyə və Şimali Kiprə səfər edərək qaz-mazut və mazut rejimində işləyən modul stansiyalarının istismar prinsipləri ilə tanış olub. Bu barədə, Trend agentliyinə əsasən, SC-nin mayın 26-da yaydığı məlumatda deyilir.
Yaxın illərdə respublika elektrik energetikası sektorunun inkiaşfı çərçivəsində yeni obyektlərin, xüsusilə, Səngəçalda Bakı və Abşeron abunəçilərinin tələbatını ödəyəcək elektrik stansiyasının tikintisi planlaşdırılır.
Finlyandiyanın Wartsila şirkəti Azərenerjiyə qaz-mazut və mazut rejimində işləyən modul blokları çərçivəsində əməkdaşlıq etməyi təklif edib. Analoji stansiyalar şirkət tərəfindən Türkiyə və Şimali Kiprdə tikilib. Wartsila-nın məhsulları Avropa və Asiya ölklərində geniş tətbiq edilir.
Azərenerji SC-də isə hesab edirlər ki, qaz-mazıt rejimi alternativ mənbələr baxımından cəlbedici olsa da, Azərbaycan şəraitində qeyri-rasionaldır. Əsas mənfi cəhətlər rejimlərin mürəkkəb dəyişdirilməs sistemidir ki, buna 72 saat tələb olunur.
Wartsila tərəfindən Şimali Kiprdə və Astarada tikilmiş mazut və qaz modul stansiyaları daha operativ işləyir və bu stansiyaların şəbəkəyə qoşulması minimal vaxt aparır.
