2006-cı ilin yanvar-aprel aylarında Azərbaycan quru və dənizdəki yataqlarda əməliyyatların aparılması üçün 50117,7 ton müxtəlif metal boru idxal edib, bu da 2005-ci ilin yanvar-aprel aylarına nisbətən 23,9% azdır. Dövlət Statistika Komitəsinin Trend ə verdiyi xəbərə görə, göstərilən dövrdə 54173,6 min ABŞ dolları məbləğində boru idxal olunub, bu isə 2005-ci ilin analoji dövründəkindən 12,4% azdır.
Azərbaycandakı neft-qaz əməliyyatları ilə ARDNŞ, PSA tipli müqavilə üzrə işləyən şirkətlər və xarici kapitalın iştirakı ilə ARDNŞ BM məşğul olur.
Dövlət Statistika Komitəsində bildiriblər ki, 2006-cı ilin yanvar-aprel aylarında neft-qaz kəmərləri üçün boru idxalının payına 11814,8 ton düşür, bu 2005-ci ilin analoju dövründə olduğundan 70,7% azdır. Bu ilin yanvar-aprel aylarında 14102,4 min ABŞ dolları məbləğində neft-qaz kəmər boruları idxal olunub və bu da 2005-ci ilin yanvar-aprel aylarından 64,4% azdır.
Dövlət Statistika Komitəsində həmçinin qeyd ediblər ki, 2006-cı ilin yanvar-aprel aylarında 13586,2 ton buruq borusu alınıb, bu 2005-ci ilin analoji dövründəkindən 27,4% çoxdur. Boru idxalının ümumi dəyəri 15351,5 min ABŞ dolları təşkil edib ki, bu da 2005-ci ildə olduğundan 27,4% çoxdur.