...

2007-ci ildə ARDNŞ neft hasilatının həcmini eyni səviyyədə saxlamağa çalışaq

Energetika Materials 25 İyul 2006 20:08 (UTC +04:00)

Gələn il ARDNŞ-nin fəaliyyəti əvvəlki illərdə olduğu kimi neft hasilatının həcminin eyni səviyyədə saxlanmasına yönəldiləcək. Bu barədə Trend ə Sənaye və Energetika Nazirliyindən bildiriblər. Ötən il ARDNŞ offşor və onşor yataqlarda 8,967 mln. ton neft hasil edib ki, bu da 2004-cü illə müqayisədə 9 min ton azdır.

Lakin nazirliyin nümayəndəsinin sözlərinə görə, ARDNŞ-in qaz hasilatında artım gözlənilir. Bu, ARDNŞ-in qaz proqramında nəzərdə tutulmuş fəaliyyət planının gerçəkləşirilməsi üzündən ola bilər. Bu plan "Qünəşli" yatağında yeni quyuların qazılmasını, aşağı təzyiqli qazın yığılmasını və onun sahilə nəqlini nəzərdə tutur. Bu tədbirlər yataqda hasilatı gündə 2,5 mln. kub metrə çatdırmağa imkan verəcək.

2005-ci il ərzində Azərbaycanda qaz hasilatı 5,818 mlrd. m3 təşkil edib ki, bu da 2004-cü ildən 812,1 mln. m3 (və ya 16,2%) çoxdur. ARDNŞ-in NQÇİ-lərin payına 3,824 mlrd. m3 qaz düşüb ki, bu da 2004-cü ilə nisbətən 51,7 mln. m3 azdır. BM və ƏŞ 2005-ci ildə 106,6 mln. m3 qaz çıxarıb ki, bu da 2004-cü illə müqayisədə 17,4 mln. m3 azdır. ABƏŞ 2005-ci ildə 1,887 mlrd. m3 səmt qazı, 2004-cü ildən 881,2 mln. m3 çox hasil edib.

Xəbər lenti

Xəbər lenti