...

ARDNŞ Azərbaycanda yeni qaz kəmərinin tikintisinə sifariş verib

Energetika Materials 29 Avqust 2006 11:04 (UTC +04:00)

Bu ilin sonunadək "Şahdəniz" yatağından hasil edilən qazın milli qaz nəqli sisteminə qəbulu üçün 68 kilometr uzunluğunda yüksək təzyiqli Səngəçal-Qaradağ-Hacıqabul qaz kəmərinin tikintisinə başlanılacaq. Trend xəbər verir ki, bu barədə "Azəriqaz" qapalı səhmdar cəmiyyətinin başçısının müavini Nazim Səmədzadə xəbər verib.

Bu boru kəmərinin tikintisinin sifarişçisi Azərbaycanın Dövlət Neft Şirkətidir. Bu layihəni "Azəriqaz" QSC maliyyələşdirəcək. Tikintinin gələn ilin əvvəlində tamamlanması planlaşdırılıb.

Hazırda bu layihənin texniki-iqtisadi əsaslandırılması hazırlanıb. Layihə işləri görülür. Yüksək təzyiqli qaz kəmərinin tikintisinin dəyəri 45 mln. ABŞ dolları həcmində qiymətləndirilir.

Hazırda "Azəriqaz" "Şahdəniz" yatağından qazın qəbulu üzrə texniki məsələləri həll edir. Əgər Türkiyə tədarükün başlandığı vaxt "Şahdəniz"dən gələn qazı qəbul etməyə hazır olmazsa, Azərbaycan öz həcmindən başqa, Türkiyə tərəfinin həcmini də qəbul etməyə hazırdır.

Xəbər lenti

Xəbər lenti