Eurasia Energy Limited Azərbaycan Dövlət Neft Şirkəti (ARDNŞ) ilə 2005-ci ilin 7 dekabrında imzalanmış "qarşılıqlı anlaşma barədə" memorandumun fəaliyyət müddətinin bitməsi barədə bəyanat verib. Eurasia Energy Limited-in məlumatına istinadən Trend in verdiyi xəbərə görə, ARDNŞ ilə imzalanmış sənəddə müddət təyin olunub ki, bu müddət çərçivəsində tərəflər 2006-cı ilin dekabrın 7-dək əsas kommersiya prinsiplərinə riayət etməlidir. Şirkətin məlumatında qeyd olunub ki, tərəflər qeyd olunmuş müddətədək əsas kommersiya prinsipləri barədə razılığa gələ bilməyib.
"Eurasianın menecmenti ARDNŞ ilə əsas kommersiya prinsipləri barədə razılığa gəlmək üçün memarondumun fəaliyyət müddətinin uzadılması imkanları barədə danışıqlar aparır"- deyə Eurasia Energy Limited-in məlumatında bildirilir. Şirkət artıq dəniz blokunun işlənib hazırlanması və reablitasiyası planı hazırlamaqdan ötrü zəruri araşdırmaları artıq başa çatdırıb. Tərəflər arasında bu layihə üzrə olan məramlar barədə protokol bu ilin sonunadək davam edir və o, uzadılmasını da nəzərdə tutur.o, ticarət danışıqlarının aparılması üçün uzadılacaq, deyə ARDNŞ-dən qeyd ediblər.
Sentyabrda şirkətin menecerləri, TRACS International Consultancy Ltd. i Genesis Oil and Gas Consultants Ltd.-nin nümayəndələri Bakıya iki səfər edib. Səfərin gedişində ARDNŞ rəhbərləri ilə, "Ələt-Dəniz" yatağının geoloq və mühəndisləri ilə görüşlər keçirilib. Həmçinin yataq platformalarında, boru kəmərlərində və xüsusi məhkəmələrdə təftiş aparılıb. Eurasia Energy-ni maraqlandıran blok özündə "Ələt-dəniz", "Hamamdağ-dəniz", "Qarasu", "Səngi-muğan", "Ülfət", "Aran-dəniz", "Daşlı" və "Səbail" yataqlarını birləşdirir. Blok Bakıdan təxminən 70 km aralıda dayaz sahil sularında yerləşir. Eurasia Energy Limited bu layihə çərçivəsində neft mühəndisliyi üzrə məsləhətçi qismində TRACS International Consultancy Ltd. i Genesis Oil and Gas Consultants Ltd-ni cəlb edib. "Blok"da suyun dərinliyi əsasən 20 metrdir və qurğunun sonunadək suyun səviyyəsi 50 metrə qədər çatır.
"Ələt-Dəniz" 1983-cü ildə kəşf olunub və bu günə qədər burada 12,5 mln. barrel neft və 1 mlrd. m3 qaz çıxarılıb. ARDNŞ-in məlumatına görə, "Ələt-dəniz"in ehtiyat hasilatı 14 mln. barrel neft və 1 mlrd m3 qaz təşkil edir. Əsas məhsul layı 3700-4500 metr dərinlikdədir.
